Skip to content

ადამიანური სევდა

April 6, 2015

ჩვენ ყველანი სხვისი ცხოვრებით ვცხოვრობთ… სხვისი დრამებით, სხვისი სევდებით… ჩვენ ყველას სხვისი ტკივილი გვტკივა, სხვისი დარდი გვკლავს და სხვის საცოდაობას დავტირით, იმიტომ რომ საკუთარი დარდით ცხოვრება თითქმის შეუძლებელია…

ცხოვრებაში ყველას გვიდგება მომენტი, როდესაც მიუხედავ გარეგნული სიძლიერისა, მიუხედავად უამრავი ბედნიერად ნათამაშევი როლისა, თავს ვეღარ ვიკავებთ და კვლავ ისეთივე უსუსური ბავშვები ვხდებით, როგორებიც ოდესღაც ვიყავით, ჯერ კიდევ მაშინ, ყველაფრის რომ გვეშინოდა, როდესაც არ ვიცოდით რა მოხდებოდა მომავალში, როდესაც არ ვიცოდით როგორ გავმკლავებოდით საკუთარ სევდას…

ხშირად მიფიქრია, სად მიაქვთ ადამიანებს ბავშვობის სევდა… აი, ის სევდები, რომლებიც ყველა ჩვენგანს გვაქვს გადატანილი ოდესღაც, რომლებმაც ჩვენში გარდამტეხი ცვლილებები შეიტანეს… არსად. არსად არ მიდის ბავშვობის ტკივილები და განცდები. როდესაც ვიზრდებით ყოველდღურად ობიექტურ რეალობას და რაციონალურ გონებას ვემორჩილებით, მივყვებით, მაგრამ როგორც კი საკუთარ თავთან მარტონი ვრჩებით, ვხვდებით, რომ ვერასოდეს მოვიშორებთ იმ ემოციურ გავლენებს, რაც კი ცხოვრებაში გვქონია.

ყოველთვის, როდესაც ვკარგავთ საკუთარ თავს, გვინდა დავბრუნდეთ ბავშვობაში, სადაც პასუხს არ მოგვთხოვდნენ თავის დაკარგვისთვის, რადგან პატარები ვიყავით… ახლა კი… ახლა კი ნებისმიერი უპასუხისმგებლო საქციელი ათასჯერ რთულად ასატანი და გამოსასწორებელია…

მაშინ როდესაც ვერავის ელაპარაკები შენს ტკივილზე, რადგან არ შეგიძლია, გულში იმდენი სევდა გეხვევა, რომ ატანა შეუძლებელი ხდება…

მაშინ როდესაც ვერ იძინებ, ვერ ჭამ, ვერ სვამ და ვერ არსებობ იმ საშინელი სევდის გარეშე, რომელიც მუდამ დაჰყვება შენს ცხოვრებას, ალბათ სჯობს საერთოდ არავისთან არ გქონდეს ურთიერთობა, რათა შენი მოწამლული, დაბოღმილი არსებით ცხოვრება არავის დაუნგრიო…

3 Comments leave one →
  1. April 6, 2015 21:00

    დამშვიდდი, ჰაერი ღრმად ჩაისუნთქე და მერე ამოისუნთქე.

  2. April 6, 2015 22:12

    მომეწონა❤

  3. April 8, 2015 11:16

    “ყოველთვის, როდესაც ვკარგავთ საკუთარ თავს, გვინდა დავბრუნდეთ ბავშვობაში, სადაც პასუხს არ მოგვთხოვდნენ თავის დაკარგვისთვის……………” სწორედ ასეააა😦

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: